21-Oct-2018 (Sun)
 
 
 
പുതുപ്പാടി: മര്‍ക്കസ് യൂത്ത് സമ്മിറ്റില്‍ താരമായി പഞ്ചാബ് സാംസ്‌കാരിക വകുപ്പു മന്ത്രിയും മുന്‍ ഇന്ത്യന്‍ ക്രിക്കറ്റ് താമരവുമായി നവജോദ് സിംഗ് സിദ്ദു. ഐക്യരാഷ്ട്രസഭയുടെ സംരഭങ്ങളും നയതന്ത്ര രീതികളും യുവാക്കള്‍ക്ക് പകര്‍ന്നു നല്‍കി അന്താരാഷ്ട്ര തലത്തിലുള്ള നേതൃത്വങ്ങളെ വാര്‍ത്തെടുക്കുക എന്ന ലക്ഷ്യത്തോടെ ഐക്യരാഷ്ട്ര സഭയുടെ സുസ്ഥിര വികസന പദ്ധതികള്‍ക്കായി പ്രവര്‍ത്തിക്കുന്ന യുണൈറ്റഡ് യൂത്ത് സര്‍ക്യൂട്ടും മര്‍കസും സംയുക്തമായി സംഘടിപ്പിച്ച മര്‍കസ് യുണൈറ്റഡ് യൂത്ത് സമ്മിറ്റിലാണ് നവ്‌ജോദ് സിംഗ് ലിദ്ദു സദസ്സിനെ കയ്യിലെടുത്തത്.
പുതുപ്പാടി: ഇന്തോനേഷ്യയിലെ ജക്കാര്‍ത്തയില്‍ നടന്ന പാരാലിമ്പിക്‌സ് ഏഷ്യന്‍ ഗെയിംസില്‍ കാഴ്ചയില്ലാത്തവരുടെ ചെസ് മത്സരത്തില്‍ ഇന്ത്യക്കുവേണ്ടി വെള്ളി മെഡല്‍ നേടിയ പുതുപ്പാടി സ്വദേശി മുഹമ്മദ് സ്വാലിഹിന് ജന്‍മനാട്ടില്‍ ഉജ്വല സ്വീകരണം. പുതുപ്പാടി കാവുംപുറം പരേതനായ പി കെ അബ്ദുസ്സലാം മുസ്ലിയാരുടെ മകനായ മുഹമ്മദ് സ്വാലിഹ് ആണ് സ്വര്‍ണ തിളക്കത്തോടെ വെള്ളിമെഡല്‍ കരസ്ഥമാക്കിയത്. ഹരിയാനയില്‍ നടന്ന ചാമ്പ്യന്‍ഷിപ്പിലാണ് മുഹമ്മദ് സ്വാലിഹ് ഏഷ്യന്‍ ഗെയിംസിലേക്ക് തിരഞ്ഞെടുക്കപ്പെട്ടത്.
താമരശ്ശേരി: നാട്ടുകാരുടെ ഉറക്കം കെടുത്തിയ വിദേശ മദ്യ വില്‍പ്പനക്കാരന്‍ അറസ്റ്റില്‍. പുതുപ്പാടി കാക്കവയല്‍ ചോലപ്പറമ്പില്‍ മനോജിനെ(35)യാണ് താമരശ്ശേരി റെയ്ഞ്ച് ഓഫീസിലെ അസി. എക്‌സൈസ് ഇന്‍സ്‌പെക്ടര്‍ കെ സദാനന്ദന്റെ നേതൃത്വത്തിലുള്ള സംഘം പിടികൂടിയത്. എക്‌സൈസ് കമ്മീഷ്ണര്‍ക്ക് ലഭിച്ച പരാതിയെ തുടര്‍ന്ന് സ്‌കൂട്ടറില്‍ കറങ്ങി വിദേശ മദ്യ വില്‍പ്പന നടത്തുന്ന മനോജിനെ എക്‌സൈസ് ഷാഡോ സംഘം നിരീക്ഷിച്ചു വരികയായിരുന്നു. കാക്കവയല്‍ അമ്പലമുക്ക് ഭാഗത്ത് സ്‌കൂട്ടറില്‍ എത്തി വിദേശ മദ്യം കൈമാറുന്നതിനിടെയാണ് എക്‌സൈസിന്റെ പിടിയിലായത്.
താമരശ്ശേരി: മാറുന്ന കാലത്തില്‍ കുട്ടികള്‍ക്ക് വ്യത്യസ്തമായ അനുഭവമൊരുക്കി താമരശ്ശേരി കോട്ടയില്‍ ഭഗവതി ക്ഷേത്രകമ്മറ്റിയും ജി ടെക് കമ്പ്യുട്ടര്‍ എഡ്യുക്കേഷന്‍ താമരശ്ശേരി സെന്ററും. ക്ഷേത്രത്തിലെ എഴുത്തിനിരുത്തല്‍ ചടങ്ങിനു ശേഷം കമ്പ്യുട്ടറിലും കുട്ടികള്‍ വിദ്യാരംഭം കുറിച്ചു. ക്ഷേത്ര പരിസരത്ത് പ്രത്യേകം തയ്യാറാക്കിയ കൗണ്ടറിലായിരുന്നു പരിപാടി. സാങ്കേതിക വിദ്യ കുതിച്ചു മുന്നേറുന്ന ഈ കാലഘട്ടത്തില്‍ ഈ ആശയം ജനങ്ങള്‍ വളരെ ആവേശത്തോടെയാണ് ഏറ്റെടുത്തത്. എഴുത്തിനിരുത്തിയ എല്ലാ കുരുന്നുകളും കമ്പ്യുട്ടറിലും അക്ഷരം കുറിച്ചു. ക്ഷേത്ര കമ്മറ്റി പ്രസിഡന്റ് രാമനുണ്ണി നായര്‍, ജി ടെക് മാനേജര്‍ വിനീഷ് കെ ബി, ജി ടെക് അധ്യാപകരായ ജിഷ്ണു പി ആര്‍, അരുണ്‍ലാല്‍ ടി ഒ, ഷില്‍ജ ആര്‍, പ്രവീണ്‍ എന്നിവര്‍ നേതൃത്വം നല്‍കി.
                    
 
 
 

All rights reserved | Website developed and maintained by Zyonz Technologies