14-Dec-2018 (Fri)
സ്ത്രീകളെ ഫോണില്‍ വിളിച്ച് അശ്ലീലം പറയുന്ന യുവാവ് പോലീസിന്റെ വലയിലായി പുതുക്കുടി രാമന്‍ നമ്പ്യാര്‍ നിര്യാതനായി; സംസ്‌കാരം ശനിയാഴ്ച രാവിലെ 11 മണിക്ക് ഈര്‍പ്പോണ: പുത്തന്‍പുരയില്‍ ഉമ്മര്‍കുഞ്ഞി (58) നിര്യാതനായി. മയ്യിത്ത് നിസ്‌കാരം ശനിയാഴ്ച രാവിലെ 9 മണിക്ക് മരണ മൊഴി പുറത്ത്; ജീവിതം തുടരാന്‍ താല്‍പര്യമില്ലാത്തതിനാല്‍ ആത്മഹത്യ ചെയ്തു സംസ്ഥാനത്ത് നാളെ ബി ജെ പി ഹര്‍ത്താല്‍ വാഹനാപകടത്തില്‍ പരുക്കേറ്റ തബലിസ്റ്റ് മരിച്ചു കെട്ടിട ഉടമ വായ്പ തിരിച്ചടക്കാത്തതിനെ തുടര്‍ന്ന് വ്യാപാരിയെ ഒഴിപ്പിക്കാനുള്ള ബേങ്ക് നീക്കത്തിനെതിരെ വ്യാപാരികള്‍ ഹാഷിഷ് ഓയിലും കഞ്ചാവുമായി യുവാവ് പിടിയില്‍
 
 
 
സ്ത്രീകളെ ഫോണില്‍ വിളിച്ച് അശ്ലീലം പറയുന്ന യുവാവ് പോലീസിന്റെ വലയിലായി
ബാലുശ്ശേരി: സ്ത്രീകളെ ഫോണില്‍ വിളിച്ച് അശ്ലീലം പറയുന്ന യുവാവിനെ ബാലുശ്ശേരി പോലീസ് അറസ്റ്റ് ചെയ്തു. മഞ്ചേരി എളങ്കൂര്‍ വെണ്ണക്കാട് അബ്ദുല്‍ മുനീറാണ് പോലീസിന്റെ വലയില്‍ വീണത്. നന്മണ്ട, കാക്കൂര്‍ പ്രദേശങ്ങളിലെ എഴുപതോളം സ്ത്രീകളാണ് അജ്ഞാതന്റെ ഫോണ്‍ വിളിക്കെതിരെ ബാലുശ്ശേരി പോലീസില്‍ പരാതി നല്‍കിയത്. രാവെന്നോ പകലെന്നോ വിത്യാസമില്ലാതെയായിരുന്നു ഇയാള്‍ സ്ത്രീകളെ വിളിച്ച് അശ്ലീലം പറഞ്ഞിരുന്നത്. സ്ത്രീകളുടെ പ്രായവും പ്രശ്‌നമായിരുന്നില്ല. ശല്യം അസഹ്യമായപ്പോഴാണ് പലരും പരാതിയുമായി പോലീസിനെ സമീപിച്ചത്. ഒരാഴ്ചയോളം നടത്തിയ അന്വേഷണത്തിനൊടുവിലാണ് കോഴിക്കോട്ടെ ലോഡ്ജില്‍ വെച്ച് അബ്ദുല്‍ മുനീറിനെ പിടികൂടിയത്. കളഞ്ഞുകിട്ടിയ സിം കാര്‍ഡാണ് ഇതിന്നായി ഉപയോഗിച്ചിരുന്നതെന്ന് പ്രതി മൊഴി നല്‍കി. സ്ത്രീകളുടെ നമ്പര്‍ സംഘടിപ്പിക്കാന്‍ മറ്റാരുടെയെങ്കിലും സഹായം ലഭിച്ചോ എന്നും പോലീസ് പരിശോദിക്കുന്നുണ്ട്. എസ് ഐ. കെ സുമിത്കുമാര്‍, എ എസ് ഐ. കെ അബ്ദുല്‍ഖാദര്‍, സിവില്‍ പോലീസ് ഓഫിസര്‍മാരായ ജിലുസെബാസ്റ്റ്യന്‍, രമേശന്‍ എന്നിവരടങ്ങിയ സംഘമാണ് തന്ത്രപരമായ നീക്കത്തിലെ പ്രതിയെ പിടികൂടിയത്. പേരാമ്പ്ര കോടതിയില്‍ ഹാജറാക്കിയ പ്രതിയെ 14 ദിവസ്‌തേക്ക് റിമാണ്ട് ചെയ്തു.
 
മരണ മൊഴി പുറത്ത്; ജീവിതം തുടരാന്‍ താല്‍പര്യമില്ലാത്തതിനാല്‍ ആത്മഹത്യ ചെയ്തു
തിരുവനന്തപുരം: സെക്രട്ടേറിയേറ്റിനു മുന്നിലെ ബി ജെ പി സമരപ്പന്തലില്‍ ആര്‍ എസ് എസ് പ്രവര്‍ത്തകന്‍ തീ കൊളുത്തി ആത്മഹത്യ ചെയ്തത് ജീവിതം മുന്നോട്ടുകൊണ്ടുപോവാന്‍ താല്‍പര്യം ഇല്ലാത്തതിനാലാണെന്ന് മരണ മൊഴി. തിരുവനന്തപുരം മുട്ടട സ്വദേശി വേണുഗോപാലന്‍ നായര്‍ മജിസ്‌ട്രേറ്റിനും പോലീസിനും ഡോക്ടര്‍ക്കും നല്‍കിയ മൊഴിയിലാണ് ഇക്കാര്യം സൂചിപ്പിക്കുന്നത്. ശബരിമല സ്ത്രീ പ്രവേശനത്തില്‍ മനം നൊന്താണ് ആത്മഹത്യയെന്നാരോപിച്ച് ബി ജെ പി നാളെ സംസ്ഥാന ഹര്‍ത്താല്‍ പ്രഖ്യാപിച്ചതിനു പിന്നാലെയാണ് വേണുഗോപാലന്‍ നായരുടെ മരണ മൊഴി പുറത്തായത്. മരണത്തിന് ശബരിമലയുമായി ബന്ധമില്ലെന്ന് വേണുഗോപാലന്‍ നായരുടെ കുടുംബവും വ്യക്തമാക്കി. ഇതോടെ ഹര്‍ത്താല്‍ പ്രഖ്യാപിച്ച ബി ജെ പി നേതൃത്വം വെട്ടിലായി
 
സംസ്ഥാനത്ത് നാളെ ബി ജെ പി ഹര്‍ത്താല്‍
തിരുവനന്തപുരം: സംസ്ഥാനത്ത് വെള്ളിയാഴ്ച ബി ജെ പി ഹര്‍ത്താല്‍. ബി ജെ പി നേതാവ് സി കെ പത്മനാഭന്‍ സെക്രട്ടറിയേറ്റിന് മുന്നില്‍ നടത്തുന്ന നിരാഹാര സമരപ്പന്തലിന് സമീപം ആര്‍ എസ് എസ് പ്രവര്‍ത്തകന്‍ ആത്മഹത്യ ചെയ്തതില്‍ പ്രതിഷേധിച്ചാണ് ഹര്‍ത്താല്‍. തിരുവനന്തപുരം മുട്ടട സ്വദേശി വേണുഗോപാലന്‍ നായരാണ് ഇന്ന് പുലര്‍ച്ചെ ഒന്നരയോടെ സ്വയം തീകൊളുത്തിയത്. സമരപ്പന്തലിലേക്ക് ഓടിക്കയറിയ വേണുഗോപാലന്‍ ശരീരത്തില്‍ മണ്ണെണ്ണ ഒഴിച്ച ശേഷം തീകൊളുത്തുകയായിരുന്നു. ഗുരുതരമായി പൊള്ളലേറ്റ നിലയില്‍ തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചിക്തിസയിലായിരുന്ന വേണുഗോപാലന്‍ വൈകിട്ട് മരിച്ചു. ഇതില്‍ പ്രതിഷേധിച്ചാണ് നാളെ രാവിലെ ആറുമിതല്‍ വൈകിട്ട് ആറ് വരെ ഹര്‍ത്താല്‍ ആഹ്വാനം ചെയ്തത്. ശബരിമല സ്ത്രീ പ്രവേശനത്തില്‍ മനം നൊന്താണ് ആത്മഹത്യെയന്നാണ് ആരോപണം
 
താമരശ്ശേരിയിലേക്ക് കടത്തുകയായിരുന്ന കഞ്ചാവുമായി പൂനൂര്‍ സ്വദേശി അറസ്റ്റില്‍
താമരശ്ശേരി: താമരശ്ശേരിയിലേക്ക് കടത്തുകയായിരുന്ന കഞ്ചാവുമായി പൂനൂര്‍ സ്വദേശി എക്‌സൈസിന്റെ പിടിയിലായി. പൂനൂര്‍ ആര്യംകുളം ഷിബിന്‍ മന്‍ഷിദ്(20) ആണ് ചിറ്റൂര്‍ ഗോപാലപുരം ചെക്ക് പോസ്റ്റില്‍ എക്‌സൈസിന്റെ പിടിയിലായത്. ഒരു കിലോ നൂറ് ഗ്രാം കഞ്ചാവ് എക്‌സൈസ് പിടിച്ചെടുത്തു. തമിഴ്‌നാട്ടിലെ പളനിയില്‍നിന്നാണ് താമരശ്ശേരിയില്‍ വിതരണം ചെയ്യനായി കഞ്ചാവ് കടത്തിയത്.
 
ചാത്തമംഗലം ഗ്രാമപഞ്ചായത്തില്‍ 85 ലക്ഷം രൂപയുടെ കുടിവെള്ള പദ്ധതി
ചാത്തമംഗലം: ചാത്തമംഗലം ഗ്രാമപഞ്ചായത്തിലെ എന്‍ സി പി സി കുടിവെള്ള പദ്ധതിയിലേക്ക് ബള്‍ക്ക് മീറ്റര്‍ സ്ഥാപിച്ച് കുളിമാട് പ്ലാന്റില്‍ നിന്നും ആവശ്യമായ കുടിവെള്ളം ലഭ്യമാക്കാന്‍ 85 ലക്ഷം രൂപയുടെ പ്രപ്പോസല്‍ പഞ്ചായത്തിനെ അറിയിച്ചതായി ജലവിഭവ വകുപ്പ് മന്ത്രി കെ കൃഷ്ണന്‍ കുട്ടി പറഞ്ഞു. ആവശ്യമായ ഫണ്ട് പഞ്ചായത്ത് ലഭ്യമാക്കുന്നതിനനുസരിച്ച് വാട്ടര്‍ അതോറിറ്റി പദ്ധതി നടപ്പിലാക്കും. എന്‍ സി പി സി കുടിവെള്ള പദ്ധതിക്കായി നിര്‍മ്മിച്ച കിണര്‍ ഉപയോഗശൂന്യമായതിനാലാണ് പുതിയ നടപടി സ്വീകരിച്ചത്. നിലവില്‍ കൂളിമാട് പ്ലാന്റില്‍ നിന്നും എന്‍ സി പി സി കുടിവെള്ള പ്ലാന്റിലേക്ക് നേരിട്ട് വെള്ളം എത്തിക്കാന്‍ സാങ്കേതിക തടസമുണ്ട്. അതിനാല്‍ 50000 ലിറ്റര്‍ സംഭരണ ശേഷിയുള്ള ഒരു ഭൂതല ജല സംഭരണി നിര്‍മ്മിച്ച് ആവശ്യമായ ജലം ഇവിടേക്കും പിന്നീട് എന്‍ സി പി സി കുടിവെള്ള പദ്ധതിയുടെ ഉന്നതതല ജലസംഭരണിയിലേക്കും പമ്പ് ചെയ്ത് ജലവിതരണം നടത്തുന്നതിനുള്ള പദ്ധതിയാണ് തയ്യാറാക്കിയിട്ടുള്ളത്. എന്‍ സി പി സി കുടിവെള്ള പദ്ധതിയുടെ പുരോഗതി സംബന്ധിച്ച് പി ടി എ റഹീം എം എല്‍ എയുടെ ചോദ്യങ്ങള്‍ക്ക് നിയമസഭയില്‍ മറുപടി പറയുകയായിരുന്നു മന്ത്രി.
 
ബൈക്കുകള്‍ കൂട്ടിയിടിച്ച് രണ്ടുപേര്‍ മരിച്ചു
കുന്ദമംഗലം: കുന്ദമംഗലത്ത് ബൈക്കുകള്‍ കൂട്ടിയിടിച്ച് രണ്ട് യുവാക്കള്‍ മരിച്ചു. പാലക്കാട് ചാലിശ്ശേരി തുറക്കല്‍ സിദ്ധീഖിന്റെ മകന്‍ റമീസ്(23), മലപ്പുറം ആമയൂര്‍ തോട്ടത്തില്‍ ഉമ്മറിന്റെ മകന്‍ മുഹമ്മദ് അമീന്‍(22) എന്നിവരാണ് മരിച്ചത്. ദേശീയപാതയില്‍ ചൂലാംവയല്‍ കയറ്റത്തിന് മുകളില്‍ ഞായറാഴ്ച രാത്രി എട്ട് മണിയോടെയായിരുന്നു അപകടം. കൊടുവള്ളി ഭാഗത്ത് നിന്ന് വരികയായിരുന്ന ബുള്ളറ്റും എതിരെ വന്ന പള്‍സര്‍ ബൈക്കുമാണ് കൂട്ടിയിടിച്ചത്. കാറിനെ മറികടക്കുന്നതിനിടെയാണ് അപകടമുണ്ടായതെന്നു നാട്ടുകാര്‍ പറഞ്ഞു. ഇരുവരെയും ഉടന്‍ തന്നെ കോഴിക്കോട് മെഡിക്കല്‍കോളേജ് ആശുപത്രിയില്‍ എത്തിച്ചെങ്കിലും മരിച്ചിരുന്നു. മൃതദേഹം പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ടു കൊടുക്കും.
 
യുവാവിന്റെ മരണം; ബാര്‍ ജീവനക്കാരായ അഞ്ചുപേര്‍ അറസ്റ്റില്‍
താമരശ്ശേരി: ബാര്‍ ജീവനക്കാരുടെ മര്‍ദ്ദനമേറ്റ് യുവാവ് മരിച്ച സംഭവത്തില്‍ അഞ്ച് പേര്‍ അറസ്റ്റില്‍. താമരശ്ശേരി ചുങ്കത്ത് പ്രവര്‍ത്തിക്കുന്ന ഹസ്തിനപുരി ബാറിലെ ജീവനക്കാരായ വെഴുപ്പൂര്‍ അമ്പലക്കുന്നുമ്മല്‍ ബിജു(38), ചമല്‍ മാട്ടാപൊയില്‍ അനില്‍ കുമാര്‍(40), വെഴുപ്പൂര്‍ അമ്പലക്കുന്നുമ്മല്‍ എന്‍ കെ രാജന്‍(50), നരുക്കുനി ഒറ്റപ്പിലാപൊയില്‍ ഹരിദാസന്‍(58), ചമല്‍ പുന്നേടത്ത് അഭിലാഷ്(37), എന്നിവരെയാണ് താമരശ്ശേരി ഇന്‍സ്‌പെക്ടര്‍ ടി എ അഗസ്റ്റിന്‍ അറസ്റ്റ് ചെയ്തത്.
 
നോട്ട് നിരോധന കാലത്തുപോലും സഹകരണ പ്രസ്ഥാനങ്ങളെ തകര്‍ക്കാനുണ്ടായ ശ്രമങ്ങള്‍ ജനങ്ങള്‍ പരാചയപ്പെടുത്തി; മന്ത്രി കടകംപള്ളി സുരേന്ദ്രന്‍
താമരശ്ശേരി: നോട്ട് നിരോധന കാലത്ത് സഹകരണ പ്രസ്ഥാനങ്ങളെ തകര്‍ക്കാനുണ്ടായ ശ്രമങ്ങള്‍ അതിജീവിക്കാനായത് ജനങ്ങളുടെ വിശ്വാസം കൊണ്ടുമാത്രമാണെന്ന് സഹകരണ-ദേവസ്വം വകുപ്പു മന്ത്രി കടകംപള്ളി സുരേന്ദ്രന്‍. താമരശ്ശേരിയില്‍ ആരംഭിച്ച സഹകരണ സംഘം അസി. രജിസ്ട്രാര്‍ ജനറല്‍ ഓഫീസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരള ജനതയുടെ രക്തത്തോട് അലിഞ്ഞു ചേര്‍ന്ന സഹകരണ മേഖലയെ തകര്‍ക്കാനായി നോട്ട് നിരോധനത്തെ ഉപയോഗപ്പെടുത്തിയെങ്കിലും യാതൊരു പോറലും ഏല്‍ക്കാതെ സംരക്ഷിക്കാന്‍ നമുക്ക് കഴിഞ്ഞു.
 
എല്ലാ പഞ്ചായത്തുകളിലും കേരഗ്രാമം പദ്ധതി നടപ്പിലാക്കുമെന്നും പദ്ധതി മൂന്ന് വര്‍ഷമാക്കുമെന്നും കൃഷി വകുപ്പു മന്ത്രി വി എസ് സുനില്‍കുമാര്‍
കട്ടിപ്പാറ: നാളികേര കൃഷിയുടെ സമഗ്ര വികസനത്തിനായി എല്ലാ ഗ്രാമ പഞ്ചായത്തുകളിലും കേരഗ്രാമം പദ്ധതി നടപ്പിലാക്കുമെന്നും ഒരു വര്‍ഷമായിരുന്ന പദ്ധതി മൂന്ന് വര്‍ഷമാക്കി വര്‍ധിപ്പിക്കുമെന്നും കൃഷി വകുപ്പു മന്ത്രി വി എസ് സുനില്‍കുമാര്‍. കട്ടിപ്പാറ ഗ്രാമപഞ്ചായത്ത് കേരഗ്രാമം പദ്ധതി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. 7.81 ലക്ഷം ഹെക്ടര്‍ സ്ഥലത്താണ് സംസ്ഥാനത്ത് നിലവില്‍ നാളികേരം ഉദ്പ്പാദിപ്പിക്കുന്നത്. 2019 ആകുമ്പോഴേക്കും 9.6 ലക്ഷം ഹെക്ടര്‍ ആക്കുകായാണ് ലക്ഷ്യം.
 
പന്നൂര്‍ ഗവ. ഹയര്‍ സെക്കണ്ടറി സ്‌ക്കൂള്‍ കെട്ടിടത്തിന്റെ ശിലാസ്ഥാപനം മന്ത്രി വി. എസ് സുനില്‍കുമാര്‍ നിര്‍വ്വഹിച്ചു
പന്നൂര്‍: കേരള സര്‍ക്കാറിന്റെ പൊതുവിദ്യാഭ്യാസ സംരക്ഷണത്തിന്റെയും കൊടുവള്ളി നിയോജക മണ്ഡലം എം എല്‍ എയുടെ ക്രിസ്റ്റല്‍ പദ്ധതിയുടെയും ഭാഗമായി മികവിന്റെ കേന്ദ്രമായി തെരഞ്ഞെടുക്കപ്പെട്ട പന്നൂര്‍ ഗവ. ഹയര്‍ സെക്കണ്ടറി സ്‌കൂളില്‍ അന്താരാഷ്ട്ര നിലവാരത്തിലുള്ള കെട്ടിട നിര്‍മ്മാണത്തിന്റെ ശിലാസ്ഥാപനവും പ്രവര്‍ത്തി ഉദ്ഘാടനവും കൃഷി വകുപ്പ് മന്ത്രി വി. എസ് സുനില്‍കുമാര്‍ നിര്‍വ്വഹിച്ചു. കേരളത്തിലെ എല്ലാ പൊതുവിദ്യാഭ്യാസ സ്ഥാപനങ്ങളും മികവിന്റെ കേന്ദ്രങ്ങളാക്കി കൊണ്ട് നഗര ഗ്രാമീണ വ്യത്യാസമില്ലാതെ എല്ലാ വിദ്യാര്‍ത്ഥികള്‍ക്കും മികച്ച രീതിയിലുള്ള വിദ്യാഭ്യാസം അവരവരുടെ പ്രദേശത്തു തന്നെ ലഭ്യമാക്കുകയാണ് സര്‍ക്കാറിന്റെ ലക്ഷ്യമെന്ന് മന്ത്രി പറഞ്ഞു. കൊടുവള്ളി നിയോജക മണ്ഡലം എം എല്‍ എ കാരാട്ട് റസാഖ് അദ്ധ്യക്ഷത വഹിച്ചു. മണ്ഡലത്തില്‍ നടപ്പിലാക്കികൊണ്ടിരിക്കുന്ന ക്രിസ്റ്റല്‍ പദ്ധതിയിലൂടെ മണ്ഡലത്തിലെ മുഴുവന്‍ സ്‌ക്കൂളുകളും അന്താരാഷ്ട്ര നിലവാരത്തിലേക്ക് ഉയര്‍ത്തി കൊണ്ടിരിക്കുകയാണെന്ന് എം എല്‍ എ പറഞ്ഞു. ബ്ലോക്ക് പഞ്ചായത്ത് പ്രസിഡണ്ട് എം എം രാധാമണി, കിഴക്കോത്ത് പഞ്ചായത്ത് പ്രസിഡണ്ട് എന്‍ സി ഉസ്സയിന്‍ എന്നിവര്‍ വിശിഷ്ടാതിഥികളായി. ബി പി ഒ വി എം മെഹറലി ക്രിസ്റ്റല്‍ പദ്ധതി വിശദീകരിച്ചു. ജില്ലാ പഞ്ചായത്ത് മെമ്പര്‍ എം എ ഗഫൂര്‍, ബ്ലോക്ക് മെമ്പര്‍ സി ടി വനജ, ഗ്രാമപഞ്ചായത്ത് മെമ്പര്‍മാരായ കെ കെ അബ്ദുള്‍ ജബ്ബാര്‍, വി എം മനോജ്, ഇന്ദു സനിത്ത്, പ്രിന്‍സിപ്പല്‍ എം സന്തോഷ് കുമാര്‍, ഡി ഇ ഒ. എന്‍ മുരളി, യു കെ അബ്ദുള്‍ നാസര്‍, ടി പി അബ്ദുള്‍ മജീദ്, ഇ കെ മുഹമ്മദ്, മൂസ്സ മാസ്റ്റര്‍, എം എന്‍ ശശിധരന്‍, ഷിജി എം ആര്‍, പി കെ പ്രഭാകരന്‍, എം എം വിജയകുമാര്‍, ഇ അബ്ദുല്‍ അസീസ്, എന്‍ കെ സുരേഷ്, ടി എം രാധാകൃഷണന്‍, വി അബ്ദുള്‍ അസീസ്, ഒ ഗണേഷ് ബാബു, ഗിരീഷ് വലിയപറമ്പ്, പി ടി അഹമ്മദ്, സി പുഷപ, പി കെ ഹരിദാസന്‍ എന്നിവര്‍ സംസാരിച്ചു. പി ടി എ പ്രസിഡണ്ട് വി എം ശ്രീധരന്‍ സ്വാഗതവും ഹെഡ്മാസ്റ്റര്‍ കെ ജി മനോഹരന്‍ നനന്ദിയും പറഞ്ഞു. തുടര്‍ന്ന് മികവിന്റെ കേന്ദ്രമായി ജി എച്ച് എസ് എസ് പന്നൂരിനെ തെരഞ്ഞെടുത്ത എം എല്‍ എ കാരാട്ട് റസാഖ്, മികച്ച എന്‍ എസ് എസ് പ്രോഗ്രാം ഓഫീസറായി തെരഞ്ഞെടുക്കപ്പെട്ട ടി രതീഷ്, കായികാദ്ധ്യാപകന്‍ ഷാജി ജോണ്‍, സ്‌കൂളിന്റെ പ്രാഥമിക മാസ്റ്റര്‍ പ്ലാന്‍ രൂപകല്പന ചെയ്ത കെ ഇഖ്ബാല്‍, മികച്ച എന്‍ എസ് എസ് വോളണ്ടിയറായി തെരഞ്ഞെടുക്കപ്പെട്ട സി ആര്‍ ആര്‍ദ്ര, ജില്ലാ സംസ്ഥാന ദേശീയ തലങ്ങളില്‍ മികച്ച പ്രകടനം കാഴ്ചവെച്ച കലാകായിക ശാസ്ത പ്രതിഭകള്‍ എന്നിവര്‍ക്ക് പി ടി എയുടെ സ്‌നേഹോപഹാരം മന്ത്രി വിതരണം ചെയ്തു.
 
 
 
 

All rights reserved | Website developed and maintained by Zyonz Technologies