29-Mar-2020 (Sun)
 
 
 
1 2 3
 
എം സാന്റിനു പകരം സ്ലറി: റോഡ് പ്രവര്‍ത്തി തടഞ്ഞു
പൂന്നൂര്‍: എം സാന്റിനു പകരം സ്ലറി ഉപയോഗിച്ചെന്നാരോപിച്ചു റോഡ് പണി തടഞ്ഞു. ചോയിമഠം ആനപ്പാറ പാഠത്തുംകുഴി റോഡില്‍ ആനപ്പാറ ഭാഗത്ത് സൈഡ് കോണ്‍ഗ്രീറ്റ് പ്രവര്‍ത്തി നാട്ടുകാര്‍ തടഞ്ഞത്. ഗുണമേന്മ കുറഞ്ഞ വസ്തുക്കളും എം സാന്റിന് പകരം ക്വാറിയില്‍ നിന്നും ഉപേക്ഷിക്കുന്ന സ്ലറി ഉപയോഗിക്കുന്നതും അളവ് കൃത്യമല്ലാത്തതുമാണ് പ്രവര്‍ത്തനം തടയുന്നതിലേക്ക് നയിച്ചത്. കെ കെ മുനീര്‍, ഫസല്‍ വാരിസ്, എ പി ഫസല്‍, സി എം ജാഫര്‍, റഈസ്, പി കെ സി അബൂബക്കര്‍, എ പി മുജീബ്, പി കെ ജര്‍ഷാദ്, മുനവ്വര്‍, ഷമീജ് , പി കെ സി റാഫി ചോയിമഠം നേതൃത്വം നല്‍കി.
 
താമരശ്ശേരി ചുങ്കത്ത് എസ് വൈ എസ് കൈ കഴുകല്‍ കേന്ദ്രം ഒരുക്കി
താമരശ്ശേരി: ബ്രീക്ക് ദ ചെയിന്‍ കാമ്പയിന്റെ ഭാഗമായി എസ് വൈ എസ് താമരശ്ശേരി ചുങ്കം യൂണിറ്റ് ചുങ്കം അങ്ങാടിയില്‍ കൈ കഴുകല്‍ കേന്ദ്രം ഒരുക്കി. ഹാന്റ് വാ് ഉപയോഗിച്ച് കൈ കഴുകുന്നതിന്നാണ് സൗകര്യം ഒരുക്കിയത്. പി സി ഹാരിസ് ഉദ്ഘാടനം ചെയ്തു. കെ കെ സാലിഹ്, വി സി സജീര്‍, ഷാമില്‍, സി കെ ഷമീര്‍ സംബന്ധിച്ചു.
 
പുതുപ്പാടിയില്‍ പത്തിടങ്ങളില്‍ കൈ കഴുകല്‍ കേന്ദ്രങ്ങള്‍
ഈങ്ങാപ്പുഴ: പുതുപ്പാടി ഗ്രാമപഞ്ചായത്തത്തും കുടുംബ ആരോഗ്യ കേന്ദ്രവും സംയുക്തമായി ഗ്രാമപഞ്ചായത്തിന്റെ വിവിധ ഭാഗങ്ങളിലായി 10 സ്ഥലങ്ങളില്‍ സന്നദ്ധ സംഘടനകളുടെ സഹകരണത്തോടെ ഹാന്‍ഡ് വാഷ് ഉപയോഗിച്ചു കൈ കഴുകാന്‍ സൗകര്യം ഒരുക്കി. വിവിധ സ്ഥലങ്ങളില്‍ ഗ്രാമപഞ്ചായത്ത് പ്രസിഡന്റ് പി ആര്‍ രാഗേഷ്, വൈസ് പ്രസിഡന്റ് കുട്ടിയമ്മമാണി, ആരോഗ്യ സ്റ്റാന്റിംഗ് കമിറ്റി ചെയര്‍മാന്‍ എം ഇ ജലീല്‍ എന്നിവര്‍ ഉദ്ഘാടനം ചെയ്തു. ഹെല്‍ത്ത് ഇന്‍സ്‌പെക്ടര്‍ ഒ കെ ജനാര്‍ദ്ധനന്‍ സംബന്ധിച്ചു.
 
ഡല്‍ഹി അക്രമത്തില്‍ പ്രതിഷേധിച്ചു
കട്ടിപ്പാറ: ഡല്‍ഹിയില്‍ സംഘപരിവാര്‍ നടത്തിക്കൊണ്ടിരിക്കുന്ന മനുഷ്യക്കുരുതിക്കും അക്രമത്തിനുമെതിരെ മതേതര കൂട്ടായ്മയുടെ ആഭിമുഖ്യത്തില്‍ കട്ടിപ്പാറയില്‍ പ്രതിഷേധറാലി സംഘടിപ്പിച്ചു. കട്ടിപ്പാറ ഗ്രാമപഞ്ചായത്ത് വൈസ് പ്രസിഡണ്ട് നിധീഷ് കല്ലുള്ളതോട്, പ്രേംജി ജെയിംസ്, റഹീം കട്ടിപ്പാറ പ്രസംഗിച്ചു. സി പി നിസാര്‍, അസ്‌ലം നല്ലടം, അനസ് കട്ടിപ്പാറ, അന്‍വര്‍ കട്ടിപ്പാറ, വാളേരി അബ്ദുറഹിമാന്‍, ബാസിത് കട്ടിപ്പാറ, സലീം പുല്ലടി നേതൃത്വം നല്‍കി.
 
ഹോം ലൈബ്രറി ഉദ്ഘാടനം ചെയ്തു
ആവിലോറ: ആവിലോറ എം എം എ യു പി സ്‌കൂള്‍, എ എം എല്‍പി സ്‌കൂള്‍ പാലക്കുറ്റി എന്നിവയുടെ സംയുക്താഭിമുഖ്യത്തില്‍ കിഴക്കോത്ത് വടക്കേടത്ത് ഹോം ലൈബ്രറി കൊടുവള്ളി മുനിസിപ്പല്‍ കൗണ്‍സിലര്‍ സി പി നാസര്‍ കോയ തങ്ങള്‍ ഉദ്ഘാടനം ചെയ്തു. ആവിലോറ സ്‌കൂള്‍ പ്രധാനധ്യാപകന്‍ കെ പി അബ്ദുറഹ്മാന്‍ മാസ്റ്റര്‍ അധ്യക്ഷത വഹിച്ചു. ഗ്രാമപഞ്ചായത്തംഗം കെ എം ആഷിഖ് റഹ്മാന്‍, എം പി ടി എ പ്രസിഡന്റ് ഹൈറുന്നിസ, അധ്യാപകരായ ഒ പി ആമിന, പി ടി സുപ്രിയ, അസ്മാബി, റിയാസ് എന്നിവര്‍ സംസാരിച്ചു. പാലക്കുറ്റി സ്‌കൂള്‍ പ്രധാനധ്യാപകന്‍ ടി വി മജീദ് മാസ്റ്റര്‍ സ്വാഗതവും യു പി റമീസ് മാസ്റ്റര്‍ നന്ദിയും പറഞ്ഞു.
 
എന്‍ ജി ഒ അസോസിയേഷന്‍ 2020 പുതുവര്‍ഷ മെമ്പര്‍ഷിപ് വിതരണം ചെയ്തു
കോഴിക്കോട്: എന്‍ ജി ഒ അസോസിയേഷന്‍ കോഴിക്കോട് മെഡിക്കല്‍ കോളേജ് ബ്രാഞ്ച് 2020 പുതുവര്‍ഷ മെമ്പര്‍ഷിപ് വിതരണം ചെയ്തു. അസോസിയേഷന്‍ സംസ്ഥാന സെക്രട്ടേറിയറ്റ് മെമ്പര്‍ എം ഷിബു റീജിണല്‍ ലാബിലെ ടെക്‌നിക്കല്‍ അസിസ്റ്റന്റ് ഷഹനാസ് ബീഗത്തിന് നല്‍കി കൊണ്ട് ഉദ്ഘാടനം ചെയ്തു. ബ്രാഞ്ച് പ്രസിഡന്റ് കെ പി കൃഷ്ണന്‍ അധ്യക്ഷത വഹിച്ചു. എന്‍ പി രഞ്ജിത്ത്, സി പി അനില്‍ കുമാര്‍, കെ പി അനീഷ് കുമാര്‍, സുജിത എന്നിവര്‍ സംസാരിച്ചു. സെക്രട്ടറി വിഷാല്‍ സ്വാഗതവും ട്രഷറര്‍ ആദര്‍ശ് നന്ദിയും പറഞ്ഞു.
 
എസ് വൈ എസ് ജില്ലാ റാലി: ഫ്‌ലാഗ് മാര്‍ച്ച് സംഘടിപ്പിച്ചു
താമരശ്ശേരി: പൗരത്വം ഔദാര്യമല്ല, യുവത്വം നിലപാട് പറയുന്നു എന്ന പ്രമേയത്തില്‍ ജനുവരി 11 ന് താമരശ്ശേരിയില്‍ നടക്കുന്ന ജില്ലാ യുവജന റാലിയുടെ പ്രചരണാര്‍ത്ഥം ഫ്‌ലാഗ് മാര്‍ച്ച് സംഘടിപ്പിച്ചു. താമരശ്ശേരി സോണ്‍ അടിവാരത്ത് നിന്നും പൂനൂര്‍ സോണ്‍ പൂനൂരില്‍ നിന്നും കൊടുവള്ളി സോണ്‍ കൊടുവള്ളിയില്‍ നിന്നുമാണ് റാലി ആരംഭിച്ചത്. സോണ്‍, സര്‍ക്കിള്‍ നേതാക്കളും ടീം ഒലീവ് അംഗങ്ങളും പങ്കെടുത്ത റാലികള്‍ പരപ്പന്‍പൊയിലില്‍ സമാപിച്ചു. എസ് വൈ എസ് ജില്ലാ സെക്രട്ടറി കബീര്‍ മാസ്റ്റര്‍ എളേറ്റില്‍ സമാപന സംഗമത്തില്‍ മുഖ്യ പ്രഭാഷണം നടത്തി. ഇബ്രാഹീം കുട്ടി അഹ്‌സനി, സാബിത് അബ്ദുല്ല സഖാഫി, അബ്ദുസ്സലാം ബുസ്താനി, സി പി ശാഫി സഖാഫി, നാസര്‍ മാസ്റ്റര്‍ പൂക്കോട്, സാദിഖ് സഖാഫി മടത്തും പൊയില്‍, ശറഫുദ്ധീന്‍ വെളിമണ്ണ, പി സി ഹമീദ് ഹാജി, സയ്യിദ് സകരിയ്യ തങ്ങള്‍ അടിവാരം, സയ്യിദ് സഹല്‍ മശ്ഹൂര്‍, ഡോ. അബൂബക്കര്‍ നിസാമി കളരാന്തരി എന്നിവര്‍ നേതൃത്വം നല്‍കി.
 
വനം വകുപ്പ് ജീവനക്കാര്‍ക്കായി ഏകദിന ശില്‍പ്പശാല സംഘടിപ്പിച്ചു
താമരശ്ശേരി: കേരള വനം വന്യജീവി വകുപ്പ് സാമൂഹ്യ വനവല്‍ക്കരണ വിജ്ഞാന വ്യാപന വിഭാഗം കോഴിക്കോട് ഡിവിഷനിലെ വനം വകുപ്പ് ജീവനക്കാര്‍ക്കായി ഏകദിന ശില്‍പ്പശാല സംഘടിപ്പിച്ചു. വന്യ ജീവി സംരക്ഷണ നിയമം, സംരക്ഷണ പട്ടിക, കോടതി വ്യവഹാരങ്ങള്‍ എന്നിവ സംബന്ധിച്ച് പ്രമുഖര്‍ ക്ലാസെടുത്തു. സുവോളജിക്കല്‍ സര്‍വ്വെ ഓഫ് ഇന്ത്യ സയിന്റിസ്റ്റ് ഡോ. ജാഫര്‍ പാലോട്ട് ഉദ്ഘാടനം ചെയ്തു. താമരശ്ശേരി റെയ്ഞ്ച് ഫോറസ്റ്റ് ഓഫീസ് ഹാളില്‍ നടന്ന ശില്‍പ്പശാലയില്‍ കക്കയം ഡെപ്യൂട്ടി ഫോറസ്റ്റ് റെയിഞ്ച് ഓഫീസര്‍ എ പി ശ്രീജിത്ത് അധ്യക്ഷത വഹിച്ചു. മഹാരാഷ്ട്ര അസി. കണ്‍സര്‍വേറ്റര്‍ ഓഫ് ഫോറസ്റ്റ് വി പി ജയപ്രകാശ് മുഖ്യ പ്രഭാഷണം നടത്തി. പെരുവണ്ണാമൂഴി ഡെപ്യൂട്ടി റെയിഞ്ച് ഫോറസ്റ്റ് ഓഫീസര്‍ കെ ഷാജീവ്, സെക്ഷന്‍ ഫോറസ്റ്റ് ഓഫീസര്‍മാരായ ഷാജു കെ, അബ്ദുള്‍ ഗഫൂര്‍ കെ പി, ബീറ്റ് ഫോറസ്റ്റ് ഓഫീസര്‍മാരായ പി ബാബു, വിജയന്‍ എന്നിവര്‍ സംസാരിച്ചു. സാമൂഹ്യ വനവല്‍ക്കരണ വിജ്ഞാന വ്യാപന വിഭാഗം അസി. കണ്‍സര്‍വേറ്റര്‍ വി പി ജയപ്രകാശ് സ്വാഗതവും സെക്ഷന്‍ ഫോറസ്റ്റ് ഓഫീസര്‍ ടി സുരേഷ് നന്ദിയും പറഞ്ഞു.
 
കതിരോട് അംഗന്‍വാടി ചുറ്റുമതില്‍ പൊളിച്ചതില്‍ പ്രതിഷേധിച്ച് ജനകീയ കൂട്ടായ്മ
താമരശ്ശേരി: റോഡ് വികസനത്തിന്റെ പേരില്‍ പരപ്പന്‍പൊയില്‍ കതിരോട് അംഗന്‍വാടി ചുറ്റുമതില്‍ പൊളിച്ച് സ്ഥലം കയ്യേറിയതില്‍ പ്രതിഷേധിച്ച് ജനകീയ കൂട്ടായ്മ സംഘടിപ്പിച്ചു. കതിരോട്ട് കാവില്‍ ചന്ദ്രന്‍ ഉദ്ഘാടനം ചെയ്തു. ഷാജി പി പൂളക്കല്‍ അദ്ധ്യക്ഷത വഹിച്ചു. രാത്രിയുടെ മറവില്‍ ചുറ്റുമതില്‍ പൊളിച്ച് മാറ്റിയവര്‍ക്കെതിരെ നിയമനടപടികള്‍ സ്വീകരിക്കണമെന്നും ചുറ്റുമതില്‍ പൂര്‍വ്വ സ്ഥിതിയില്‍ പുനര്‍ നിര്‍മ്മിക്കണമെന്നും കൂട്ടായ്മ ആവശ്യപ്പെട്ടു. സംരക്ഷണസമിതി നല്‍കിയ പരാതിയിന്മേല്‍ നടപടി സ്വീകരിക്കാതെ പഞ്ചായത്ത് അധികാരികളും പോലീസ് ഉദ്യോഗസ്ഥരും ഇരട്ടത്താപ്പ് നയം സ്വീകരിക്കുന്നതായും കൂട്ടായ്മ ആരോപിച്ചു. അജീഷ് എ സി, പി അച്യുതാനന്ദന്‍, സുരേഷ് ഒ പി, ദാമോദരന്‍ കെ, സിമ്മി എ പി, ബാബു ഒ പി, തുടങ്ങിയവര്‍ സംസാരിച്ചു.
 
എന്‍ ജി ഒ അസോസിയേഷന്‍ താമരശ്ശേരി ബ്രാഞ്ച് തല മെമ്പര്‍ഷിപ്പ് ക്യാമ്പയിന്‍ ഉദ്ഘാടനം ചെയ്തു
താമരശ്ശേരി: കേരള എന്‍ ജി ഒ അസോസിയേഷന്‍ താമരശ്ശേരി ബ്രാഞ്ച് തല മെമ്പര്‍ഷിപ്പ് ക്യാമ്പയിന്‍ താമരശ്ശേരി താലൂക്ക് ഹോസ്പിറ്റലില്‍ വെച്ച് സംസ്ഥാന സെക്രട്ടറിയേറ്റ് അംഗം ശശികുമാര്‍ കാവാട്ട് ഉദ്ഘാടനം ചെയ്തു. ജില്ലാ ജോയിന്റ് സെക്രട്ടറി പി കെ സുനില്‍ കുമാര്‍ അധ്യക്ഷത വഹിച്ചു. കെ ഫവാസ്, പി അരുണ്‍, ബി സി സാജേഷ്, കെ ആയിശക്കുട്ടി, പി പി ചിന്നമ്മ, കെ കെ ശ്രീലേഷ്, കെ ബിന്ദു എന്നിവര്‍ സംസാരിച്ചു. കെ കെ ഷൈജേഷ് സ്വാഗതവും എം ഷിബു നന്ദിയും പറഞ്ഞു.
 
1 2 3
 
 
 

All rights reserved | Website developed and maintained by Zyonz Technologies