20-May-2018 (Sun)
 
 
 
 
‍താമരശ്ശേരിയില്‍ വന്‍ കുഴല്‍പണ വേട്ട; നാലുപേര്‍ അറസ്റ്റില്‍
   
vps
31-May-2015
 

താമരശ്ശേരി: ബാംഗ്ലൂരില്‍ നിന്നും കടത്തുകയായിരുന്ന ഒരു കോടി നാല്‍പത് ലക്ഷം രൂപയുടെ കുഴല്‍പണം താമരശ്ശേരി പോലീസ് പിടികൂടി. രഹസ്യ വിവരത്തെ തുടര്‍ന്ന് താമരശ്ശേരി ഡി വൈ എസ് പി ശ്രീകുമാര്‍, സി ഐ. കെ സുഷീര്‍, എസ് ഐ. എന്‍ രാജേഷ് കുമാര്‍ എന്നിവരുടെ നേതൃത്വത്തില്‍ പുതുപ്പാടി കൈതപ്പൊയിലില്‍ നടത്തിയ വാഹന പരിശോധനക്കിടെയാണ് പണം പിടിച്ചെടുത്തത്. രണ്ട് ബസ്സുകളിലായി എത്തിച്ച പണം പിടിച്ചെടുത്ത പോലീസ് നാലുപേരെ അറസ്റ്റ് ചെയ്തു. മഹാരാഷ്ട്ര സ്വദേശികളായ കിരണ്‍, ലക്ഷ്മണ്‍, സമാധാന്‍, വിനോദ് എന്നിവരാണ് പിടിയിലായത്. കോഴിക്കോട്ടേക്കാണ് പണം കടത്തുന്നതെന്നാണ് സംഘം പോലീസിന് മൊഴി നല്‍കിയത്. പിടിയിലായവരെ താമരശ്ശേരി ഡി വൈ എസ് പി ഓഫീസിലെത്തിച്ച് ചോദ്യംചെയ്ത് വരുന്നു. എന്‍ഫോഴ്‌സ്‌മെന്റ് ഉദ്യോഗസ്ഥരും സ്ഥലത്തെത്തിയിട്ടുണ്ട്.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies