21-Oct-2018 (Sun)
 
 
 
 
‍ഓമശ്ശേരി തെച്യാട് സ്‌കൂട്ടറില്‍ ടിപ്പറിടിച്ച് വിദ്യാര്‍ത്ഥിനി മരിച്ചു.
   
vps
20-Dec-2016
 

ഓമശ്ശേരി: സ്‌കൂട്ടറില്‍ ടിപ്പര്‍ ലോറിയിടിച്ച് വിദ്യാര്‍ത്ഥിനി മരിച്ചു. തെച്യാട് തറോല്‍ പാറക്കല്‍ ആസിഫിന്റെ മകള്‍ ഫാത്തിഹയാണ് മരിച്ചത്. തിങ്കളാഴ്ച വൈകിട്ട് നാലുമണിയോടെ തെച്യാട് അങ്ങാടിക്ക് സമീപത്തായിരുന്നു അപകടം. ഓമശ്ശേരി പ്ലസന്റ് ഇംഗ്ലീഷ് മീഡിയം സ്‌കൂളിലെ വിദ്യാര്‍ത്ഥിനിയായ ഫാത്തിഹ ആസിഫിന്റെ പിതാവ് കോയക്കൊപ്പം സ്‌കൂട്ടറില്‍ വീട്ടിലേക്ക് മടങ്ങവെയാണ് ടിപ്പര്‍ ഇടിച്ചു വീഴ്തിയത്. തിരുവമ്പാടി ഭാഗത്തേക്ക് പോവുകയായിരുന്ന ടിപ്പര്‍ സ്‌കൂട്ടറിനെ മറികടക്കുന്നതിനിടെ എതിര്‍ ദിശയിലൂടെ ബസ്സ് വന്നതിനെ തുടര്‍ന്ന് ടിപ്പര്‍ ഇടത്തോട്ട് വെട്ടിച്ചതാണ് അപകട കാരണമെന്ന് നാട്ടുകാര്‍ പറഞ്ഞു. ഇരുവരെയും ഓമശ്ശേരിയിലെ സ്വകാര്യ ആശുപത്രിയില്‍ എത്തിച്ചെങ്കിലും ഫാത്തിഹ മരിച്ചിരുന്നു. പരുക്കേറ്റ കോയ ചികിത്സയിലാണ്. ടിപ്പറുകളുടെ പരക്കം പാച്ചിലിനെതിരെ പ്രക്ഷോഭം ആരംഭിക്കാനാണ് നാട്ടുകാരുടെ തീരുമാനം.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies