21-Oct-2018 (Sun)
 
 
 
 
‍കൂടരഞ്ഞി മരഞ്ചാട്ടിയില്‍ വാക്കുതര്‍ക്കം ഒത്തുതീര്‍പ്പാക്കാന്‍ ഇടപെട്ടയാളെ ലോറി കയറ്റി കൊന്നു.
   
vps
15-Apr-2017
 

കൂടരഞ്ഞി: വാക്കുതര്‍ക്കം ഒത്തുതീര്‍പ്പാക്കാന്‍ ഇടപെട്ടയാളെ ലോറി കയറ്റി കൊന്നു. മരഞ്ചാട്ടി കുമരഞ്ചേരി ഹസ്സന്‍(48) ആണ് നാട്ടുകാര്‍ നോക്കി നില്‍ക്കെ ചതഞ്ഞ് മരിച്ചത്. ചൊവ്വാഴ്ച രാത്രി ഏഴ്മണിയോടെ മരഞ്ചാട്ടിയിലിയിരുന്നു സംഭവം. ലോറി ജീവനക്കാരും ബൈക്ക് യാത്രക്കാരനും തമ്മിലുണ്ടായ വാക്കു തര്‍ക്കം തടയാനെത്തിയതായിരുന്നു ഹസ്സന്‍. ഇതോടെ ലോറി ജീവനക്കാര്‍ ഹസ്സനുമായി വാക്കേറ്റവും കയ്യാങ്കളിയുമായി. ഇതിനിടെ ഹസ്സന്റെ ദേഹത്തുകൂടെ ലോറി മുന്നോട്ടെടുക്കാന്‍ ശ്രമിച്ചപ്പോള്‍ ലോറിക്കുമുകളില്‍ പിടിച്ചു കയറി രക്ഷപ്പെടാന്‍ ശ്രമിച്ചു. അല്‍പം മുന്നോട്ട് നീങ്ങിയ ലോറി റോഡരികില്‍ നിര്‍ത്തിയിട്ട ബൈക്കിലേക്ക് അടുപ്പിച്ച് ഹസ്സനെ നിലത്തു വീഴ്ത്തി. തുടര്‍ന്ന് ഹസ്സന്റെ ദേഹത്തുകൂടെ ലോറി ഓടിച്ച് കയറ്റുകയായിരുന്നു. ഉടന്‍തന്നെ നാട്ടുകാര്‍ ഓമശ്ശേരിയിലെ സ്വകാര്യ ആശുപത്രിയിലും തുടര്‍ന്ന് കോഴിക്കോട് മെഡിക്കല്‍ കോളേജ് ആശുപത്രിയിലും എത്തിച്ചെങ്കിലും മരിച്ചിരുന്നു. നിര്‍ത്താതെ പോയ ലോറി നാട്ടുകാര്‍ പിന്തുടര്‍ന്ന് പിടികൂടി അടിച്ചു തകര്‍ക്കുകയും ജീവനക്കാരെ കൈകാര്യം ചെയ്യുകയും ചെയ്തു. സാരമായി പരുക്കേറ്റ ലോറി ഡ്രൈവര്‍ മലപ്പുറം മേലാറ്റൂര്‍ സ്വദേശി ശഫീഖ്, ക്കകാടംപൊയില്‍ കള്ളിപ്പാടം ഖമറുദ്ദീന്‍ എന്നിവരെ മുക്കം പോലീസ് സ്ഥലത്തെത്തിയാണ് കെ എം സി ടി മെഡിക്കല്‍ കോളേജില്‍ എത്തിച്ചത്. സംഘര്‍ഷ സാധ്യത കണക്കിലെടുക്ക് പ്രദേശത്ത് വന്‍ പോലീസ് സന്നാഹം നിലയുറപ്പിച്ചിട്ടുണ്ട്.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies