17-Nov-2018 (Sat)
 
 
 
 
‍കൈത്തറി പ്രചരണം: ജില്ലാതല ചിത്രരചനാ മത്സരം നടത്തി
   
vps
08-Nov-2018
 

കോഴിക്കോട്: ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ സ്‌കൂള്‍ വിദ്യാര്‍ത്ഥികള്‍ക്കായി കൈത്തറിയുടെ പ്രചരണാര്‍ത്ഥം ജില്ലാതല ചിത്രരചനാ മത്സരം നടത്തി. മത്സരത്തില്‍ 700 ഓളം കുട്ടികള്‍ പങ്കെടുത്തു. നടക്കാവ് ഗവണ്‍മന്റ് വി എച്ച് എസ് എസില്‍ സംഘടിപ്പിച്ച പരിപാടി എ പ്രദീപ്കുമാര്‍ എം എല്‍ എ ഉദ്ഘാടനം ചെയ്തു. ചടങ്ങില്‍ ജില്ലാ വ്യവസായ കേന്ദ്രം മാനേജര്‍ രാജീവ് കെ സ്വാഗതം പറഞ്ഞു. ജനറല്‍ മാനേജര്‍ ടി വി ഷുഹൈബ് അദ്ധ്യക്ഷത വഹിച്ചു. ഡെപ്യൂട്ടി രജിസ്ട്രാര്‍ എം കെ ബാലരാജന്‍ കൈത്തറി പദ്ധതികള്‍ വിശദീകരിച്ചു. കോഴിക്കോട് കോര്‍പ്പറേഷന്‍ കൗണ്‍സിലര്‍ പി കിഷന്‍ചന്ദ്, കൈത്തറി അസോസിയേഷന്‍ സെക്രട്ടറി എ വി ബാബു, പ്രോഗ്രാം കോ-ഓര്‍ഡിനേറ്റര്‍ കെ അബ്ദുള്‍ റഷീദ് എന്നിവര്‍ സംസാരിച്ചു. മത്സര വിജയികള്‍ ഒന്ന്, രണ്ട്, മൂന്ന് സ്ഥാന ക്രമത്തില്‍- എല്‍ പി വിഭാഗം: വേദിക ജെ എസ് (ജി എല്‍ പി എസ്, പനായി), ഇമ അനൂപ് (സില്‍വര്‍ ഹില്‍സ് എച്ച് എസ് എസ്, പാറോപ്പടി) നിവേദ് പി പി (അപ്പെക്സ് ഇന്റര്‍നാഷണല്‍ സ്‌ക്കൂള്‍, ഒളവണ്ണ). യു പി വിഭാഗം: നദ്‌വ ഹാശിം (ഇലാഹിയ എച്ച് എസ് എസ്, കാപ്പാട്), രേവതി രാജീവ് മക്രേരി (ഇന്ത്യന്‍ പബ്ളിക്ക് സ്‌ക്കൂള്‍, കൊയിലാണ്ടി), അവന്തിക എസ് (വേദവ്യാസ വിദ്യാലയം, മലാപ്പറമ്പ). ഹൈസ്‌ക്കൂള്‍ വിഭാഗം: അപര്‍ണ അനില്‍ (അമൃത വിദ്യാലയം, പെരുവട്ടൂര്‍), അഞ്ജിമ എസ് എം (ഇലാഹിയ എച്ച് എസ് എസ്, കാപ്പാട്), അനന്തുലാല്‍ ടി പി (സില്‍വര്‍ ഹില്‍സ് എച്ച് എസ് എസ്, പാറോപ്പടി).

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies