24-Mar-2019 (Sun)
 
 
 
 
‍പൊതു പണിമുടക്കിന്റെ മറവില്‍ വിദേശ മദ്യം ശേഖരിച്ച രണ്ടുപേര്‍ അറസ്റ്റില്‍
   
vps
09-Jan-2019
 

താമരശ്ശേരി: പൊതു പണിമുടക്കിന്റെ മറവില്‍ കരിഞ്ചന്തയില്‍ വില്‍ക്കാനായി വിദേശ മദ്യം ശേഖരിച്ച രണ്ടുപേരെ താമരശ്ശേരി എക്‌സൈസ് അറസ്റ്റ് ചെയ്തു. പുതുപ്പാടി കല്ലടിക്കുന്നുമ്മല്‍ ദാസന്‍(57) കട്ടിപ്പാറ നെടുംപാലി വീട്ടില്‍ ബാലന്‍(70) എന്നിവരാണ് അറസ്റ്റിലായത്. പൊതുപണിമുടക്ക് മുന്നില്‍ കണ്ട് വന്‍ തോതില്‍ മദ്യം ശേഖരിക്കുന്നതായ വിവരത്തെ തുടര്‍ന്ന് താമരശ്ശേരി എക്‌സൈസ് റെയ്ഞ്ച് ഇന്‍സ്‌പെക്ടര്‍ പി പി വേണുവിന്റെ നേതൃത്വത്തിലുള്ള സംഘം നടത്തിയ പരിശോധനയിലാണ് ഇരുവരും അറസ്റ്റിലായത്. പുതുപ്പാടി ഈങ്ങാപ്പുഴയില്‍ വെച്ചാണ് ദാസനെ എക്‌സൈസ് സംഘം അറസ്റ്റ് ചെയ്തത്. ഒമ്പത് ലിറ്റര്‍ വിദേശമദ്യം ഇയാളില്‍ നിന്നും പിടിച്ചെടുത്തു. കട്ടിപ്പാറ ത്രിവേണിയില്‍ വെച്ച് ഏഴ് ലിറ്റര്‍ വിദേശ മദ്യവുമായാണ് ബാലന്‍ പിടിയിലായത്. സിവില്‍ എക്‌സൈസ് ഓഫീസര്‍മാരായ സി ജി സുരേഷ് ബാബു, എന്‍ പി വിവേക്, വി എസ് സുമേഷ്, ഡ്രൈവര്‍ കൃഷ്ണന്‍ എന്നിവരടങ്ങിയ സംഘമാണ് പരിശോധന നടത്തിയത്. പ്രതികളെ താമരശ്ശേരി കോടതിയില്‍ ഹാജറാക്കി.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies