29-Mar-2020 (Sun)
 
 
 
 
‍റൂറല്‍ ജില്ലാ പോലിസ് മേധാവിയുടെ നേതൃത്വത്തില്‍ കൊറോണ പ്രതിരോധപ്രവര്‍ത്തനം വിലയിരുത്തി
   
vps
21-Mar-2020
 

വടകര: കോവിഡ് 19 വൈറസ് ബോധവല്‍ക്കരണത്തിന്റെ ഭാഗമായി ജില്ലാ അതിര്‍ത്തിയായ അഴിയൂര്‍ ഗ്രാമ പഞ്ചായത്തിലെ കൊറോണ മുന്‍കരുതല്‍ പ്രവര്‍ത്തനങ്ങള്‍ ജില്ലാ പോലിസ് മേധാവി ഡോ. എ ശ്രീനിവാസിന്റെ നേതൃത്വത്തിലുള്ള സംഘം വിലയിരുത്തി. മാഹിയില്‍ കോവിഡ് സ്ഥിരികരിച്ചതിന്റെ അടിസ്ഥാനത്താലാണ് സന്ദര്‍ശനം. മാഹി റെയില്‍വേ സ്റ്റേഷന്‍, അഴിയൂര്‍ ചുങ്കം എന്നിവിടങ്ങളിലെ ആരോഗ്യ ചെക്ക് പോസ്റ്റുകളിലെ പ്രവര്‍ത്തനങ്ങളാണ് വിലയിരുത്തിയത്. ഷാര്‍ജയില്‍ നിന്ന് നാട്ടിലേക്ക് നാല് ദിവസം മുന്‍പ് വന്ന യുവാവ് തിരികെ വിദേശത്തേക്ക് പോകാന്‍ കരിപ്പൂര്‍ വിമാനത്താവളത്തിലേക്ക് പോകുമ്പോള്‍ ചുങ്കത്ത് വെച്ച് എസ്പി യുടെ നേതൃത്വത്തിലുള്ള സംഘം ഇദ്ദേഹത്തെ പരിശോധനക്കായി ന്യൂമാഹി ആരോഗ്യ വകുപ്പ് ഉദ്യോഗസ്ഥരെ ഏല്‍പ്പിച്ചു. സ്‌പെഷ്യല്‍ ബ്രാഞ്ച് ഡിവൈഎസ്പി ഇസ്‌മൈല്‍ ചോമ്പാല്‍, ഇന്‍സ്‌പെക്ടര്‍ ടി പി സുമേഷ്, അഴിയൂര്‍ ഗ്രാമ പഞ്ചായത്ത് പ്രസിഡന്റ് വി പി ജയന്‍, സെക്രട്ടറി ടി ഷാഹുല്‍ ഹമീദ്, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ സി എച്ച് സജീവന്‍, ആരോഗ്യ പ്രവര്‍ത്തകന്‍ പ്രിയേഷ് മാളിയക്കല്‍ എന്നിവര്‍ പരിശോധനയില്‍ പങ്കെടുത്തു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies