29-Mar-2020 (Sun)
 
 
 
 
‍കോഴിക്കോട് ജില്ലയില്‍ രണ്ട് പേര്‍ക്ക് കോവിഡ് സ്ഥിരീകരിച്ചു; നിരോദനാജ്ഞ
   
vps
22-Mar-2020
 

കോഴിക്കോട്: കോഴിക്കോട് ജില്ലയില്‍ രണ്ട് പേര്‍ക്ക് കോവിഡ് സ്ഥിരീകരിച്ചു. കൊടുവള്ളി കിഴക്കോത്ത് സ്വദേശിനിയായ 47 കാരിക്കും വടകര വേളം സ്വദേശിയായ 27 കാരനുമാണ് കോവിഡ് സ്ഥിരീകരിച്ചത്. ഈ മാസം 13 ന് ഉംറ നിര്‍വഹിച്ച ശേഷം അബുദാബി വഴി എത്തിയ കിഴക്കോത്ത് സ്വദേശിനിയെ 19 ന് ബീച്ച് ആശുപത്രിയില്‍ പ്രവേശിപ്പിച്ചിരുന്നു. ഞായറാഴ്ചയാണ് ഇവര്‍ക്ക് കോവിഡ് സ്ഥിരീകരിക്കുന്നത്. ഇതേ തുടര്‍ന്ന് ഇവരുടെ സഹോദരനെയും ഭാര്യയെയും മകനെയും ബീച്ച് ആശുപത്രിയിലെ ഐസൊലേഷന്‍ വാര്‍ഡിലേക്ക് മാറ്റി. വേളം സ്വദേശി ഈ മാസം 20 ന് രാത്രിയാണ് ദുബൈയില്‍ നിന്നും കോഴിക്കോട് അന്താരാഷ്ട്ര വിമാനത്താവളത്തില്‍ എത്തിയത്. ഇവിടെനിന്ന് നിന്നും ആംബുലന്‍സില്‍ നേരിട്ട് കോഴിക്കോട് ഗവ. മെഡിക്കല്‍ കോളേജ് ആശുപത്രിയില്‍ എത്തുകയായിരുന്നു. ജില്ലയില്‍ കോവിഡ് സ്ഥിരീകരിച്ച സാഹചര്യത്തില്‍ സി ആര്‍ പി സി 144 പ്രകാരം ജില്ലാ കലക്ടര്‍ നിരോദനാജ്ഞ പുറപ്പെടുവിച്ചു. അഞ്ചില്‍ കൂടുതല്‍ ആളുകള്‍ കൂട്ടം കൂടി നില്‍ക്കാന്‍ പാടില്ല. വിവാഹം, ആരാധന പോലോത്ത ചടങ്ങുകളില്‍ പത്തുപേരില്‍ കൂടുതല്‍ ആളുകള്‍ ഒരുമിച്ച് പങ്കെടുക്കരുത്. വിവാഹ ചടങ്ങുകൡ പരമാവധി 50 പേര്‍ മാത്രമേ പങ്കെടുക്കാവൂ. ഇവരുടെ ലിസ്റ്റ് നേരത്തെ അതാത് പോലീസ് സ്‌റ്റേഷനില്‍ സമര്‍പ്പിക്കണം.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies